金像獎


個人分享
Tagged With: , , , , , , , , ,

「香港」

今年香港電影金像獎已經嚟到第三十四屆,但係真係越嚟越少睇港產片,原因我諗好多人都知。睇返個入圍名單我真係睇咗幾套咁大把,嚟幾套就係『撒嬌女人最好命』,『香港仔』『金雞SSS』,而且我唔係買飛入戲院睇。或者係覺得都係要俾錢嘅話,點解唔睇啲好睇啲嘅戲呢。除非真係口碑好好嗰啲啦,如果唔係真係唔會入場睇。

「最佳」

需然未知邊個會攞獎,但係通常個個都會將焦點放喺最佳男女主角同最佳電影嗰度。今年最多人講嘅就係個兩個大熱,「劉青雲」同「蔡卓妍」!另一個焦點就係「王菀之」,因為相信無人諗過佢會有咁多提名,仲要係嚟篇文出之前佢已經攞到「最佳新演員」同「最佳女配角」!真係估唔到連「女配角」都攞埋!

「司儀」

今年啲司儀嘅配搭有啲奇怪,林家棟之前都做過,但係楊千嬅同陳小春就有啲得意。本來對小春同千嬅無乜其望,點知真係大大鑊!成晚真係唔知小春做乜!講嘢又甩下甩下,仲要唔知真唔記得定假唔記得啲講稿。不過整個配搭真係無火花可言,悶到爆咗!不如搵返獎門人做司儀啦,我諗點都好過嚟個配搭!係就係悶啲,但係唔會咁大鑊囉!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]