攞乜獎

「獎項」

最近比較少講創業嘅嘢,不過又係抵唔住頸,原因係太多人好似覺得創業好威好叻!當然如果唔係我哋圈內嘅人會以為佢哋攞啲獎好勁,但係我哋行內都知道背後嘅問題係邊。獎嚟㗎嘢當然係必要嘅門面功夫,古語有云:唔打得都睇得呀嘛!所以好多創業人士都會利用唔同嘅獎項去證明佢哋有幾成功。

「生態」

點嘅無啦啦講起攞獎?其實每年都有大大小小嘅獎俾大家去參加,但係參與得多嚟種遊戲就越覺得有啲不知所措!唔通唔攞獎嘅公司就代表佢哋唔得?咁又唔一定!只不過有可能佢哋做嘅嘢同比賽嘅性質唔同或者毫無關係。最好笑嘅就係攞獎同俾錢買廣告無分別,因為除咗入表要俾錢去參加比賽之外,去攞獎都要比錢!所以獎係一個推廣嘅一種!

「現實」

嚟個攞獎遊戲真係唔係個個啱玩,自問唔啱玩同唔識玩!偏偏有香港好多公司嘅管理層同話事人會覺得你攞咗獎就係一個信心嘅保證。講真好多出名嘅公司係無攞啲乜嘢獎但係都好成功。獎真係咁緊要?係自我感覺良好,定係為咗生意?點都好,我選擇做返自己同做好自己。其實入獎係一件幾浪費時間嘅事,都係專注啲自己業務好!

(Visited 116 times, 1 visits today)