再會了

「睇戲」

今晚終於同老婆去睇咗「狂野時速」,點知越睇越心噏!作為一個小粉絲,由十五年前嘅第一集睇到第七集,每一集都係有驚喜!雖然有啲人覺得有一兩集拍得一般,但係今日睇返轉頭就明白之前所發生嘅每一件事!對粉絲嚟講,每句對白都不只一個意思咁簡單!背後嘅意義到底有幾多人會明?

「劇情」

未入戲院前其實都睇咗網上嘅評語,不過自己睇完就真係另一回事!當 Dom 去東京將 Han 帶返嚟就令第三集畫上一個完美嘅句號!亦因為咁,再一次解釋 Han 對 Gisele 嘅愛有幾深!所以 Gisele 張遺照有重大意義,而點解 Sean 話 Han 好少講以前嘅嘢!雖然知道會交代 Brian 嘅離去,不過其實無諗過導演會用一個咁完美嘅方法去交代件事。

「完美」

令我最心刻嘅係一幕又一幕同一句又一句嘅對白去交代 Brain 要走!每次 Dom 同 Brian 嘅對話都講到屋企,家庭,兄弟同問佢係唔係仲懷念滿天子彈嘅時候,心入面都好心噏。每一個畫面都係話俾觀眾知 Brian 要走了!即到片尾 Dom 同 Brian 嘅最後道別係最有意思,因為係邊度開始就係邊度完結!Paul Walker 大家會想念你的!

Leave a Reply

Your email address will not be published. Required fields are marked *