六個月


個人分享
Tagged With: , , , , , , , , ,

「倒數」

不經不覺郭小朋友已經六個月大!時間真係過得好快,作為準爸爸當然好鬼興奮!好期待嚟個新成員加入嚟個小小嘅屋企。雖然仲有好多野仲未搞掂,所以要加把勁。希望佢健健康康嚟到嚟到嚟個世界,快快樂樂咁成長!因為到嚟刻仲未諗好佢叫咩嘢名,所以我同大部份嘅人一樣都會用「小B」嚟稱呼郭大少!

「傾偈」

其實我都唔知佢聽唔聽到我隔住佢媽媽個肚皮同佢講野。不過無所謂啦,每日都想同佢傾吓偈!叫佢唔好蝦媽媽,因為佢開始踢媽媽個肚。有時同佢講嘢佢又會踢一踢媽媽個肚,都唔知係聽到定聽唔到。好多人話要同未出世嘅小朋友講多啲嘢,唔知係唔係真係可以胎教呢?希望佢唔好太洩啦!日日郁嚟郁去!

「期待」

現今科技真係犀利,希望下次再去見醫生嘅時候會睇得清楚啲佢嘅輪廓,因為好想知道佢係點嘅樣。不過要等到月尾先至會見到醫生,到時就可以睇吓個仔。點都好,每次去見醫生最最最緊要嘅係佢健健康康就得。另外當然係我老婆啦!知道佢嘅辛苦,所以各位準爸爸,記得要錫返個老婆呀,因為媽媽真係好偉大㗎!