出入境


個人分享
Tagged With: , , , , , , , , ,

「旅客」

首先今日大部份嘅報導都係講緊嚟個長假期啲旅客人數。少咗旅客,多咗旅客,對旅遊業點點點,對香港經濟點點點!唔通香港得旅遊業?無旅遊業會死?我凈係知道今個假期條街少咗車,少咗啲人,舒服咗!匯率高咗當然無人嚟!第二啲國家匯率咁低就緊係出去旅行啦!警咩嘢號啫?個白痴政府有無常識㗎?

「數據」

好啦到咗啲白痴政府拎啲數據出嚟,真係一時一樣!又話海外遊客升咗,又話內地遊客少咗!跟住又話整體入境遊客包括香港人入境。咁係唔係代表以前啲數據全部都報錯數?見到嚟啲咁嘅數據真係唔知好嬲定好笑,唔知係入境處有問題呀定個特首報錯數要佢哋補鑊!大佬呀,旅客入境數字包括香港人返屋企!有冇咁白痴呀?

「出境」

今個假期,個個都去旅行!唔係韓國就係日本,再唔係就台灣或者泰國!咁就緊係啦,啲匯率咁鬼好,真係唔去旅行都對唔住自己!香港咁鬼逼仲要對住啲自由行唔去吓旅行避吓點得呀?不過點知啲中國旅客真係無處不在。點都好啦多人少人,去旅行都最緊要開心啫。個政府講咁多都係嘥鬼氣,乜都有得賴!搞掂返你啲數據先啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]