好老闆


個人分享
Tagged With: , , , , , , , , ,

「打工」

出嚟做咗咁多年嘢,要遇到一個好老闆真係唔係一件易事。有時覺得自己好好彩,做咗咁多份工都遇到好嘅老闆。雖然我出嚟做嘢嘅時候我年紀比起其他人細,但係老闆都好相信我同俾機會我發揮。當然不時亦會遇到一啲比較麻煩嘅老闆啦!點都好,打份工姐!最緊要做好本份就得啦!

「定義」

點先係一個好老闆?我未必係一個好老闆,但係我覺得一個好老闆當然要接受唔同意見,聆聽員工,識得放手,信任員工,等等。講真唔易做,由其係當你係大公司嘅時候。講真當我自己要管理一條超過二百五十人嘅團隊真係唔易!淨係記人名都有啲吃力!每個人都對好老闆嚟三隻字都有唔同定義。所以無一個人可以滿足所有人。做好自己先係最緊要!

「老闆」

前幾日好開心,因為一直提拔我嘅老闆打電話俾我。就算離開咗以前間公司六七年,但係大家仲好珍惜以前大家一齊工作嘅日子!最重要係佢仲好關心我嘅現狀同公司嘅業務發展!所以話遇到好老闆真係唔容易!希望將來有機會再一齊做嘢或者聚下飲杯嘢傾吓偈。好老闆真係好難搵,所以真係多謝以前一直照顧同支持我嘅老闆!無你哋就無今日嘅我!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]