首爾行


個人分享
Tagged With: , , , , , , , , ,

「韓國」

因為以前工作關係,韓國變咗我第四個家!唔覺唔覺係呢個地方住咗近一年。當然唔係連續咁住係首爾啦!當韓風仲未盛行嘅時候,韓國真係好唔同!過咗幾年再返嚟感覺好似好熟識又好似好陌生!最記得就係無乜野好食,次次同老細兩個人都係去燒豬肉同炸豬扒!有次做完野同幾個韓國同事一齊去飲野飲到不醒人事!第二朝個同事仲要起唔到身返工同唔見咗眼鏡!笑鳥!

「文化」

其實韓國真係有好多野好似中國!啲人粗粗老老,講嘢大大聲聲,不過同佢哋熟落咗就好有義氣!唔好以為佢哋好飲得,有時都有醉嘅時候!韓式炸醬麺,步隊鍋,燒肉,牛肉石鍋飯,等等都係佢哋帶我去食嘅嘢。最記得就係燒泡菜,因為原來佢哋會燒嚟食。試完之後真係返唔到轉頭!好好食!最佩服佢哋嘅工作態度,日日做唔停,好夜都唔返屋企,第二朝又一早返工!好勁!鐡人一樣!

「旅遊」

如果嚟旅行嘅話,其實真係唔知有咩做。我嚟都係食,食,食!今次應該係嚟緊三四年最後一次旅行,因為郭大少出世之後都唔會去旅行。所以今次食盡佢!第一樣要食嘅嘢就當然係燒肉啦!我好少買衫,不過有時韓國啲衫真係好平,好抵買!至於景點就真係無乜推介,全部都好一般。如果去遠啲,秋天可以去睇紅葉,冬天去滑雪都唔錯!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]