狂野時

「經典」

一套原著電影「狂野時速」由第一集開始我已經有開始睇。但係竟然可以拍到第七集,認真厲害!當然每一集之後都好期待同希望有下一集啦。雖然未睇第七集,但係已經好期待。或者亦因為 Paul Walker 嘅離去,覺得係佢最後嘅作品所以特別想睇。需然 Vin Diesel 好似透露咗會有第八集,不過無咗 Paul Walker 就好似少咗啲嘢。

「系列」

如果你無一直追開嚟套戲嘅話,其實你未必知道佢講乜!因為好多前因後果係同前好幾集係有關連!所以某某然咁走入去戲院睇,你有可能唔係太明佢講啲乜!講真一套原著電影經歷咗十幾年,真係好勁!而且亦因為嚟套系列令 Paul Walker 同 Vin Diesel 兩個係荷里活打出一個名堂!

「家庭」

大家唔好以為套戲淨係講靚車,改車,鬥車同種種不法嘅行為。其實戲入面包含咗其他意義,而我最鐘意嘅係佢哋經常强調嘅家庭觀念(We Are Family)。因為一個家庭唔一定淨係有血緣關係先稱得上係家庭成員,一啲出身入死,不同種族嘅人都可以係一家人。而 Paul Walker 同 Vin Diesel 嘅關係正正係咁,所以 Vin 為咗記念嚟位親人就將佢個女個英文名叫做 Pauline!