李光耀

「尊重」

試問現時邊個政治人物可以好似李光耀咁,得到一整個國家嘅人民嘅尊重!好多名人過身嘅時候都未必可以好似李光耀咁得到絕大部份嘅人民懷念佢同多謝佢為國家所付出嘅一切。需然我對佢嘅認識唔多,但係見到咁多新加坡人去悼念佢,可想而知佢對新加坡嘅影響有幾大!

「獨裁」

有啲人會話李光耀獨裁,但係無可否認今日新加坡嘅成功亦都係因為佢咁多年嘅政策。當然係強權管治低下一定會有反對嘅聲音,但係如果得唔到絕大部份嘅人民認同和支持,唔通就可以管治一個國家?獨裁,強權,民主係唔係可以共存?新加坡好可能係一個好好嘅例子!

「人民」

當大家見到新加坡市民連日嘅自發性悼念,仲要等好多個鐘頭先可以入去作最後致意!就嚟一點就反映李光耀嘅貢獻!如果香港嘅特首可以得到同樣嘅認同,相信大家嘅新活會舒服得多!最少人哋個個市民有樓住,唔似得我哋咁,個個無錢買樓,上車上唔到,個個捱貴租!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]