港醫療

「政府」

容許我係度講一句「不知所謂」去形容政府嘅醫療!真係一係唔講,一講就把幾火!香港好似醫療好好,不過得個殼。當然係香港係有好醫生,不過政府嘅不可思議嘅流程同制度真係會激死你!斷錯症都唔係唔常見,至少我身邊發生過幾次。真係離晒大譜!人命嚟㗎大佬,玩咩!

「例子」

我老婆前幾年係地鐵跌親,之後痛到行唔到要叫白車送佢去醫院。去政府急症就預咗等,好啦等完個醫生睇咗張 X光片就話佢腳趾有骨裂。好啦,諗住信佢啦。點知,過咗兩個星期去復診,另一個醫生先同我哋講其實我老婆係「斷骨」而唔係「骨裂」。個刻真係呆咗。無嘢呀?「斷骨」同「骨裂」差好遠囉!

「信心」

講真我唔會質疑「醫生」嘅專業,因為醫學嘅嘢我識咩啫!但係講真我對政府嘅醫療真係無乜信心。今日老婆同我分享另一單你睇完都會鬧爆嘅醫療事件。大家有時間真係要睇下!真係不知所謂,點解可以咁兒戲!雖然大家可以去睇私家醫生,但係質素又係唔係有保證?

威院不愉快經歷 - Part 1
威院不愉快經歷 - Part 2
威院不愉快經歷 - Part 3
威院不愉快經歷 - Part 4
威院不愉快經歷 - Part 5

Leave a Reply

Your email address will not be published. Required fields are marked *