菠蘿油

「麵包」

菠蘿包嘅出現其中一種講法係香港人對原來嘅麵包不滿,認為味道唔夠好,所以係麵包上面加咗砂糖等甜味餡料而成。菠蘿包外層表面嘅脆皮,一般係由砂糖、雞蛋、麵粉同豬油烘製而成,係菠蘿包嘅靈魂。因此為平凡嘅麵包加上咗特別嘅口感,最好食嘅就緊係新鮮出爐啦。酥皮要做得香脆甜美,而包就軟身先好吃。

「牛油」

菠蘿油係由菠蘿包發展出來嘅嘢食,係將菠蘿包橫向切開夾住一塊厚切嘅牛油(或奶油)所組成。菠蘿油最好嘅食法係將新鮮出爐嘅菠蘿包夾住冰凍嘅牛油,咁樣牛油就會俾菠蘿包嘅熱力影響而溶喺包身中間嘅位置,包身會俾溶化嘅牛油變成金黃色,而食嗰時菠蘿油同菠蘿包唔同嘅地方係能夠食出濃厚嘅牛油香味。

「茶餐」

香港好多茶餐廳都會供應菠蘿油配奶茶嚟做下午茶餐或早餐。一啲茶餐廳更會將牛油連冰粒一齊送上枱,等啲客人將牛油夾到菠蘿包嗰時仍保持喺最冰凍嘅狀態,以加強凍熱口感嘅對比。菠蘿包嘅外形同日本嘅蜜瓜包,香港嘅港式墨西哥包好相似。菠蘿包經常被混淆,但實際上是兩種食物。