食華星


個人分享
Tagged With: , , , , , , , , ,

「冰室」

好多時週末起身唔知食乜嘢嘅時候都會落去筲箕灣個間華星食早餐。佢哋最出名嘅就當然係炒蛋同奶茶。不過當然仲有其它嘢都好好食。去多咗,同佢哋啲伙記都熟絡咗,真係變咗熟客仔,有傾有講。我哋一般會嗌常餐同豬扒一丁,不過佢哋嘅魔鬼豬扒包,蕃茄意粉,奶油豬都好好味!

「客棧」

前個排知道佢哋開咗另一間鋪頭做晚市,一路都好想去試下得唔得。因為係西環,所以要經開或者突登揸車去先有得食!今晚終於去咗試佢哋啲小菜。入到去就見到一個熟口熟面嘅伙記,所以順便問下佢有乜嘢好介紹。今晚試咗佢哋個肉餅同蒸菜心,啲嘢都唔差包括個糖水都唔錯。

「價錢」

去完華星客棧之後覺得有啲嘢可以改善下。係價錢方面我覺得有啲進取,因為平均一道菜都要近一百蚊。由一間冰室升級到做晚市小菜,大家會覺得價錢唔會太貴。同時佢哋主打熟客同街坊生意,如果平返少少,或者唔係叫做客棧會好啲。另外係西環個位無得泊車,有啲輸蝕。點都好佢哋係用心經營嘅!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]