睇櫻花


個人分享
Tagged With: , , , , , , , , ,

「櫻花」

日本嘅櫻花多數係三月下旬至四月上旬開花,但近年因為全球暖化嘅影響,令櫻花開放嘅時間有所提前。而且太平洋嘅氣候變暖,亦導致花開後被風吹散。因此大大縮短咗欣賞櫻花嘅時間。櫻花季節不長,通常係初開(開花)之後一星期便會盛開(滿開)。再過一星期,盛開尖峰就過了,花瓣就開始凋零。如果有強風同落雨就會令花期縮短。

「花見」

賞花(日語:花見),係日本嘅一種民間習俗,多數係指觀賞櫻花。每年三至四月櫻花盛開期間,好多日本家庭都會係櫻花樹下賞花同野餐。因為日本各地櫻花開放嘅時間不一,亦受氣候影響,所以每年日本嘅網站都會詳細列明各地嘅開花情況,有啲仲有相片顯示開花嘅程度,方便公眾遊覽。氣象廳亦會根據歸納全國過去三十年嘅櫻花開花時間,再配合氣象預測,描繪出每年嘅櫻花前線。

「盛開」

一般嚟講,每年三月下旬櫻花會由九州南部開始盛開,再經四國南部、九州北部、四國北部、瀨戶內海沿岸、關東地方、北陸地方、東北地方,直至五月上旬櫻前線抵達北海道。氣象廳會先於三月發表第一次櫻花開花預測,再每週修正一次,至四月下旬發表最後一次、即第八次的預測。所以大家想去睇櫻花就要留意啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]