自駕遊


個人分享
Tagged With: , , , , , , , , ,

「旅行」

我好多時去旅行都唔會選擇參加旅行團。原因好簡單,就係唔想有特定行程同時間。所以好多時係去到先算,或者隨便買本書同上網睇下有乜嘢玩。當然最好可以瞓下!平時返工以經夠辛苦,去旅行放假仲要晨咁早起身去玩足幾日,真係攞苦嚟辛咩!所以去旅行唔好預我係啲行程緊密同做好多嘢嘅人。

「自駕」

去旅行當然最好就緊係自駕啦!因為可以舒舒服服咁去啲要坐好耐車嘅地方。鐘意幾時停就幾時停,去遠啲都得。不過最緊要係注意安全,事關每個地方嘅交通規則都唔同。同時架車係租嘅,所以要摸熟下架車先,同唔好急,慢慢嚟!事關係新聞都成日見到關於自駕遊出事!好多時都係分心同長時間駕駛導致嚟啲意外發生。大家自駕真係要少心啲!

「影相」

無論去邊度旅行,我一定會帶我部相機出去影相。影風景係我嘅其中一個嗜好,因為嗰個地方去完一次之後就好可能永遠唔會再去。所以用相片去記錄嚟啲回憶同風景係最好嘅方法!咁去旅行要自駕遊就係最好嘅選擇。有啲景真係要揸車先到,如果唔係都唔知點去!另外有時揸揸吓見到啲靚景都可以停低影下欣賞下嘛!