打劫呀

「打劫」

真係好耐無聽過香港有賊拎住支槍去打劫。就算係有都唔會無啦啦開槍,因為當大部份嘅人見到有人拎住支槍嘅反應都一定驚到騰騰震!保住條命仔緊要啲嘛!所以係無反抗嘅情況下啲賊係好少會對啲職員開槍。但係昨晚就係尖沙咀偏偏發生咗一單打劫案,而個賊就向店舖入面嘅一位員工開咗一槍。真係呆咗!

「警察」

班警察平時就得把聲,到咗啲咁嚴重嘅案件就無晒辦法。係尖沙咀搞咗成晚都係得個吉。所以話呢,啲警察真係無用腦。比你打完劫仲會留係附近等你哋去拉咩?仲話用咗一晚嘅時間去掃樓,點知咪又係搵唔到個賊。雖然佢哋冇乜用,不過真係希望快啲捉到嚟個「省港奇兵」,因為一日未捉一日都會有危險。

「職員」

打劫環打劫,為財啫,唔使開槍呀?成件事最無辜嘅係個職員。佢一定係個刻諗今次發達喇!有個內地客竟然一次過買九隻名錶喎!點知到最後佢竟然俾個賊開咗一槍,要送咗入醫院接受手術。係度希望佢快啲好返,脫離危險期!所以話呢,唔做錯唔代表無錯。唔好以為啲自由行無影響,嚟個係一個好好嘅例子!真係分分鐘仲有一大班人落嚟打劫。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]