價值觀

「做人」

每個人嘅價值觀都可以好唔同!凡事都應該要識得分黑與白,唔好事非不分!有時唔係下下要跟大隊就啱嘅!現時嘅社會價值係乜嘢?你做人嘅價值係啲乜?有時唔係下下要計準算盡!因為好多嘢都唔係只可以用金錢去行量,因為人生仲有好多嘢值得大家去重視。

「做事」

有時其實我唔係太明白有啲人做嘢點解要做到咁盡。為咗名與利可以放棄好多嘢。不過最重要嘅係點樣平衡嚟啲唔同嘅價值觀。有時返到嚟香港,好容易被環境影響,有時亦會開始質疑自己咁多年嘅價值觀!不過點都好,做任何事都應該有此有終,尊師重道。

「今天」

人大咗,當然價值觀會改變。嚟刻嘅我當然係家庭行先!因為錢係物質嘅雖要,幸福係心靈嘅雖要,但係一個真心愛你嘅人係用錢都買唔到。至於做嘢就無乜分別。一係就唔做,一做就盡力去做,做到最好。除咗要懂得感激幫個你嘅人,更要懂得感激對你唔好嘅人!因為佢哋都係會令你成長嘅人。不過最緊要嘅係要堅守自己所相信嘅價值觀!

(Visited 53 times, 1 visits today)