蘋果粉

「果粉」

好明顯我係一個果粉啦!唔知大家今日有冇俾人洗版!iPhone 我唔係由最早個代開始用,我係由 3G 開始用到依家,iPad 就真係第一代開始用到 iPad Mini 3。Mac 機係最早!因為以前做設計,所以好早期就開始用。到依家用緊 MacBook Pro 都覺得無得頂!雖然好多人覺得 Steve Jobs 離開咗之後,蘋果仲掂唔掂,不過事實証明蘋果依然繼續創新!

「電腦」

睇完新嘅發佈會,真係覺得蘋果越嚟越變態。嚟部新 MacBook 真係超輕,得 900克!佢每個新嘅改動都令你諗,好體貼同創新!最佩服嘅係連風扇都拆埋,咁同一部 iPad 同 iPhone 有乜分別?個電腦底板真係細到無人有!至於舊電變咗層層疊,真係要寫個服字!連鍵盤,觸控板都用咗全新設計!認真勵害!

「手錶」

至於手錶,我唔可以話無興趣。不過好混亂!原因佢出咁多款,咁點揀呢!隻十幾萬個隻就唔使諗㗎啦,不過另外個兩隻就唔知有乜大分別。雖然係好吸引,不過都想玩咗真嘢先,因為以蘋果嘅作風,佢之後啲改進一定好過第一代。所以如果你心大心細,諗緊買唔買嘅話。我會等等先!隻手錶唔係太大驚喜,希望第二代可以改變世界啦!

Leave a Reply

Your email address will not be published. Required fields are marked *