創業夢


個人分享
Tagged With: , , , , , , , , ,

「夢想」

當一個城市越嚟越多人講創業嘅時候,嚟個然像同師奶講買股票無乜分別。本來都唔想講返個財政預算案,不過嚟個話題不斷係朋友圈出現,所以發表吓自己嘅睇法。創業分三種人,第一種係唔想打份工不滿現狀,第二種係諗住會發達以後唔使做,第三種就係為自己嘅夢想去做。不過以上嘅成功率係少之又少!

「政府」

雖然話香港嘅創業環境比起其它地方唔夠完善,不過如果搞到個個發白日夢就真係好心做懷事。就算所謂嘅計劃點實行,有幾多錢都好,到最後都係拎納稅人啲錢揼落鹹水海。個政府其實真係唔知自己做緊啲乜,諗住用啲錢幫啲想創業嘅人就足夠。講真十個新嘅項目九點九個都係唔會成功,如果拎啲錢嚟等人去賞試失敗,不如唔好做啦。

「創業」

要係嚟個香港創業真係唔容易。最主要真係住屋嘅問題!連住都無得住,講乜都無用。所以要係香港創業首先要確保你有足夠嘅資金去搵地方住,唔通創業要瞓街咩?就算俾你創到業,你都未必搵到人去幫你做。香港人才越嚟越少,競爭力越嚟越低,有時真係唔好話俾其他人搶咗本地就業,因為人哋真係一個頂幾個。所以創業要成功係有好多因素!