全職爸


個人分享
Tagged With: , , , , , , , , ,

「朋友」

前個排,睇到一個朋友嘅 Facebook 留言,講佢係新年遇到嘅事。我睇完之後好認同佢嘅講法。事源佢好耐之前已經無全職返工,我亦知道佢投資有一手,同時做咗全職爸爸!我自己好羡慕佢可以睇住自己仔女長大,因為頭幾年好重要。但係一般人係嚟個社會就唔明點解佢會選擇做全職爸爸,同時換嚟一句「無所事事」!

「全職」

湊仔係「無所事事」?定係啲人根本唔明湊仔有幾難?其實湊仔係有好多嘢做!因為佢湊仔係親力親為,而唔係靠菲傭同屋企嘅長輩幫手嗰種。佢亦都講咗一樣好重要嘅嘢就係問吓自己仔女,到底想要爸爸媽媽照顧自己,湊返學放學,教功課,真正做到陪伴佢哋成長嘅父母,抑或係將佢哋交俾菲傭照顧,成日見唔到人。

「意義」

我最同意佢講,做人要知足!如果你所做嘅嘢已足夠生活咪得囉!因為係我哋嘅中國社會,我哋都會用一把尺去量度其他人。包括名成同利就!如果俾我揀,我會選擇用幾年時間去見證我仔女嘅成長多個返一份高薪厚職嘅公作。因為你嘅子女嘅童年係你人生只會出現一次!同時我唔係咪試過高薪厚職同擁有過百人嘅團隊。我比較鐘意現狀同希望睇住自己仔女長大。


「朋友嘅文章」

《無所事事?》
自從脫離打工仔行列後,拜年時,久唔久會遇上 「疑似酸葡萄」 批評我無所事事。無論是仔女出世後,當了全職爸爸,抑或後來太太也離開職場幫手湊仔女;無論初時我一個湊兩個,抑或現時與太太一齊湊,都被佢地批評為無所事事。

我有三點想講:
第一,佢地究竟試過湊仔未?尤其是出世頭三年,真的認為湊仔是無所事事比返工容易?或者佢地對湊仔的定義跟我的不一樣,我所指的湊仔是親力親為,無雇用菲傭亦無長輩幫手那種,並非只站在老人家或菲傭身旁擺下款做下樣那種。

第二,請問問自己仔女,到底童年時想要的是親自照顧自己,湊返學放學,教功課,真正做到陪伴自己成長的父母,抑或是將自己交給菲傭照顧,朝早未見一面已外出返工,而晚上未能放工一齊食飯的父母?

暫且先不討論以上兩點。

說白一點,一般人打份工最主要是兩個原因,一是為了掙取薪金過活,一是已捱出頭有能力上岸,卻捨不得那高薪厚職或虛名權位。試問有幾多人打工真的為了其他原因,例如回饋社會?假如是為了回饋社會,做義工一樣可達致相同目的,何必拘泥於領份薪水?

領薪水無非是生活需要或者捨不得。
因生活需要並無問題,若果因捨不得,這就帶出我想講的最後一點︰

第三,做人要知足。既然我努力所得的回報已足夠生活,比上不足而比下有餘,又何必捨不得份工,阻住後輩上位?至於何謂足夠則見仁見智,足夠我與家人過中產生活咪得囉,不足夠 「疑似酸葡萄」 過奢華富豪生活,與我現在的論點正誤是沒有關係的。

放手,可讓後輩多個機會向上流,而自己又可多出時間做更有意義的事。但以中國人一般的自私與貪權,一味要多,一味要霸,衣食足而後知榮辱這條人生哲理
他們是不會明白,還反過來批評懂得放手的人。

請他們先搞清楚,生活與生存的分別及意義。過多二十個聖誕節後,再問問自己,假如當初已足夠生活,值不值得為任何多餘的慾望,而犧牲照顧仔女的機會,犧牲做自己喜歡的事的時間?

吾不在夢中,汝在夢中矣。

PS:嚴正聲明,我並非冒犯仍有需要為生活而打工的人,這是一般人 (包括本人在內) 的人生必經階段,除非你有一位不貪婪、能安然渡過 97 年亞洲金融風暴的父親在你畢業後幫你一把,而我跟大部份人一樣都無。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]