聽講座


個人分享
Tagged With: , , , , , , , , ,

「嬰兒」

為咗迎接郭大少嘅嚟臨,郭氏夫婦當然去聽吓啲嬰兒講座啦。啲奶粉商嗰然勵害!佢哋真係好揼本!為咗一個新客戶可以去到幾盡?問吓啲奶粉商你就知!因為佢哋不斷出展覽,不斷搞講座,不斷送奶粉比你,不斷寄育嬰書比你,仲要做 Segmentation 做得好好!而啲講座真有啲好好,有啲一般,都係睇吓佢哋搵邊個人講。

「沖涼」

當然湊BB嘅其中一樣好緊要嘅嘢就係沖涼仔啦。嚟樣嘢做爸爸嘅一定要識同學,因為BB出世之後係唔可以靠媽媽。因為佢哋坐月,係雖要休息多啲。雖然係網上面睇咗好多關於沖涼嘅知識,不過要實習多啲先會知道啲技巧。去聽講座都真係幫到唔少,因為有專人講解同有啲小貼士比到準爸爸媽媽。所以好建議大家去聽吓。

「步驟」

好驚自己唔記得所以趁仲記得,寫低咗先。首先準備好所有物品包括開水,紗巾,大紗巾,綿花,綿花棒,火酒,尿片,凡士林,和尚袍同外衣。先小心除衫仔,記得捉關節,唔好急!唔好咁快除尿片,之後包返大紗巾先洗頭。然後再換尿片先至再沖身。沖完之後上水包好再洗面同消毒肚臍。最後先搽凡士林再著尿片。做晒先著返好晒啲衫仔。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]