港樓市

「辣招」

無病呀話?個政府係唔係白痴㗎?係財政預算案唔出招,事隔兩日就搵金管局出招。由於細價樓係咁升,令到我哋嚟啲未有樓嘅中產仲未有得上車。一來樓價貴到無朋友,二來就算有首期都未必過到個壓力測試。就算今次政府終於出招降溫,將價值七百萬元以下嘅自用物業由過去嘅六至七成按揭成數,一律降至六成。講真會有成效嗎?

「財富」

香港嚟刻,有錢嘅越有,無錢嘅都未必死得去。但係啲中產就真係好大鑊。雖然話第二次置業供款入息比率上限,由五成降至四成。同時係利率壓力測試下上限由現時最高六成調低至五成。但係有錢個班咪又係繼續買,然後就租返比我哋嚟班中產。咁攪法都係繼續無人會放盤,樓價繼續高企,啲人繼續上唔到車。講真,真係要唸吓係唔係要去其他地方買樓!

「首置」

雖然按照目前政策規定,未有任何按揭貸款嘅自住申請人,新申請按揭貸款嘅物業價值必須為七百萬元或以下,才可獲得最高七成按揭,同時貸款額不超過四百二十萬元就可以。不過都無用,因為樓價高,就算可以供到,個壓力測試先係最難過個關。所以真係好希望政府諗吓我哋嚟班認真有雖要而又係首次置業嘅香港市民。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]