預算案

「財政」

今日係財爺宣讀新一年嘅財政預算案。睇完之後真係唔知講乜好。因為最重要,最關注嘅係房屋政策完全係零,一啲都無講過。至於減稅,其實係好事,但係我哋啲自僱人士都唔一定受落。對我嚟講,今年最關我事嘅就一定係初生嬰兒免稅額由 14萬增至 20萬。其他嗰啲,除咗創業和比較關注外,真係冇嘢受惠。

「舒困」

到嚟刻為止,其實雨傘運動究竟影響咗香港嘅經濟?點解淨係對某啲行業提供支援?點解綜援人士有 14個月糧?有啲人係雖要支援,但係唔係所有囉綜援嘅人都要呢?不如好好咁解決房屋問題好過啦。期實好多人都有錢供樓,但係就無錢俾首期。好多人唔係炒家,甚至有啲從未置業。講真用啲盈餘幫下我哋嚟班蝸居一族好過啦!

「結論」

好似我哋嚟啲唔上唔落嘅香港人,其實有幾多項係幫到我哋?睇晒個財政預算案真係唔知有乜嘢係關自己事。所謂嘅派糖只不過係舒緩短期問題,但係長期問題都係未解決。個人認為今次嘅預算案有好有唔好,真係見人見智。好似幫咗啲中產咁,實情又係唔係呢?不過最開心係無加到車輛首次登記稅同牌費,唔係又加重咗我哋駕駛人士嘅負擔!