年初二


個人分享
Tagged With: , , , , , , , , ,

「煙花」

之前每年都會係年初二去影煙花。香港嘅賀歲煙花係維多利亞港嘅上空盛放,要睇一般都要好早去攞位。如果唔係,基本上你唔好話去睇煙花,連影都無辦法影到。不過今年因為老婆陀住個細,為咗安全,今年唯有打破嚟幾年嘅傳統,年初二唔去影煙花。今年雲層低,同無乜風,又係煙都爆咗,所以應該無乜損處。

「睇戲」

新年冇乜嘢做,睇戲就當然係最佳節目,所以今日最終去咗睇戲!大部分嘅戲院都好爆,不過好彩都睇得成。今年新年就當然係去睇「叮噹」啦,因為係保全叔最後嘅一套聲音演譯。除此之外,叮噹係老婆至愛,所以一定要去睇。講真嚟套「叮噹」唔錯,一氣苛成講晒個故仔。不過如果你係「叮噹」粉絲,你或者會挑剔某啲地方。

「氣氛」

唔知點解,咁年新年冇乜新年氣氛。以前係新年,好多鋪頭都唔會開,但係今年就有好多鋪頭都照常營業。唔通係搵食艱難,定係其他原因就真係唔知。感覺今年新年怪怪地,唔知點咁,好無以前新年嗰種感覺。無論點都好,年初二同老婆靜靜哋已經好滿足,連續兩日都忙忙碌碌,唞唞都係件好事。


Also published on Medium.

Leave a Reply

Your email address will not be published. Required fields are marked *