反水貨

「抗議」

有好多人其實唔明啲自由行同水貨客係有幾咁擾民同個問題有幾咁嚴重。你唔係住係嗰度,你唔係日日都對住佢哋,當然唔知個問題係邊。淨係識得講,佢哋落嚟消費,幫助香港經濟。事情發生到嚟個地步,個政府係要付好大嘅責任,因為嚟個係政策嘅漏洞。如果唔係有一簽多行搞到咁多水貨客同開放咁多自由行嚟香港,你認為會變成今日嘅香港。

「暴動」

唔該大家睇吓清楚啲內地遊客,佢哋唔單止係香港製造問題,佢哋亦都係其他國家製造出嚟相同問題。如果香港人係暴徒,咁啲恐怖分子係啲乜?暴動嘅定義係指群眾失控而使用暴力嘅情況。隨意破壞公共場所任何嘢或者用暴力威脅進行恐怖性活動。唔通過去嘅「雨傘運動」到今日嘅「反水貨」,香港人做咗啲乜嘢要被定義為暴動?

「衝突」

個個淨係識搵快錢,將其他人嘅利益棄置不顧,助長水貨客。要減少衝突其實唔係一時三刻嘅事。但係如果你日日要面對嚟啲生活問題,你都唔好話唔煩。最大問題係啲租金令好多小店無辦法生存。條街全部都係藥房,金舖同名店。唔通香港人唔需要其他嘅商店?講真可唔可以俾返啲正常新活我哋嚟班普羅大眾嘅香港市民?否則嚟啲衝突慢慢就真係變成暴動!

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]