行花市

「大運」

每年新年大家都會去行花市,因為可以行過大運。不過當然年年個維園都係超多人,行步路都好難。要去睇啲檔攤賣啲乜都係一件幾難嘅事。中國人嘅傳統就緊係要行過大運啦,不過要咁樣迫住嚟行都咪話唔辛苦!人大咗就越怕人多濟逼嘅地方,所以今日諗住下晝小啲人就去行個大運,點知都係人多到暈!

「乾舖」

每年都有大大小小嘅鋪頭賣啲公仔同創意嘢。有啲係幾靚同好有創意。有啲就真係一般般。以前都會睇吓有冇啲得意嘢買返去。最記得買得最多係咕臣。但係買完返屋企就覺得自己有啲無聊。所以今年見到嚟啲嘢經過就算。唔係屋企就越嚟越多呢啲無聊嘢。今年行完都係嗰句,無乜特別,都係咁嘅樣。好快就去咗睇年花。

「濕貨」

其實年年都好想買蘭花,因為自己好鐘意蘭花。不過年年都諗盤花擺喺邊好?因為屋企地方有限,買咗唔知係邊。不過今年破例,買咗一盤富貴竹,一盤蘭花,兩棵風順子同一棵多肉植物。但係返到屋企就真係遇到啲花唔知擺邊度嚟個問題。點都好,過年屋企有啲年花係開心啲嘅!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]