鴛鴦鏟

「熱話」

嚟幾日忙到無時間睇嚟單新聞,不過點都要睇吓,因為俾嚟單新聞洗版咗兩日!一睇個標題就真係笑咗!『無敵鴛鴦鏟』?乜嘢嚟㗎?淨係知道關「都市閑情」嘅其中一個環節「今晚食乜餸」。一路有睇開「李錦聯」嘅節目都知佢搵其他主持一齊幫手。大大話話嚟過節目做咗咁多年,我真係細細個開始睇嚟個節目。咁嚟個「鴛鴦鏟」係點嚟呢?

「事源」

事情追溯至2011年,李錦聯同安德尊係主持「今晚食乜餸」嘅時候經常鬥嘴互寸,勢成水火。李錦聯之後受訪嘅時候鬧爆對方話「我都驚影響形象,最失望就係近期冇得同安德尊合作,佢冇得同我一齊煮嘢食,佢嗰啲無敵鴛鴦鏟同批踭無用武之地。安德尊做嘢不嬲都霸道,表演慾又強,好阻礙想靜心睇節目嘅觀眾。希望佢可以改下做人態度,到時或者先考慮再同佢合作。」

「花生」

個節目一開始,李錦聯如常介紹完煮啲乜之後,安德尊就好興奮跑入嚟,仲講咗句︰「師傅!師傅!我搵到呢個機會好耐!幾年都冇試過喺呢度炒吓嘢!」李錦聯就即刻回應︰「終於申請到呀?我哋都幾懷念無敵鴛鴦鏟呀!」。真係笑咗,一個煮餸節目變咗個食發生嘅節目。講真我自己覺得係安德尊嘅問題多啲。不過點都好,佢哋「無敵鴛鴦鏟」嚟個組合真係無得頂!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]