白海豚

「海豚」

由細到大,有一種動物我都好鐘意。佢就係海豚!每次見到佢哋都覺得佢哋好得意,好聰明!所以好多時唔明點解某啲國家容許人類獵殺海豚。而香港嚟個咁細嘅地方竟然都有野生海豚出沒。仲要係一種比較特別嘅品種「中華白海豚」!全身白雪雪,好靚。但係我哋嘅政府就偏偏唔識保護嚟啲自然生態,樣樣嘢都話同民生,經濟有關。

「希望」

相信有留意新聞嘅朋友都知道,早前在石壁對開水域捕獲的中華白海豚「希望」不幸受傷。「希望」早前懷疑被觀光船弄致受重傷,海洋公園嘅團隊成功捕捉後,將佢移送到海洋公園,由獸醫密切監察牠的情況,以及給予適當治療同照顧。無論係觀光船好,港珠澳大橋好,機場第三條跑道好,其實我哋係唔係應該要保護嚟啲白海豚,等佢哋唔好受傷同面臨絕種呢?

「心痛」

獸醫初步診斷證實「希望」尾部對上位置嘅脊椎骨已經完全斷開,背部(由背鰭以下一直延伸至尾部對上位置)有四處很深嘅橫向傷痕。全部傷口都已經受到感染。聽到都心痛,點解可以傷成咁。最不幸嘅係「希望」今日已經不幸過身。如果大家覺得一條白海豚嘅死係無關痛癢嘅事,我可以話人類都係生活係地球村嘅生物。我哋係唔係永遠因為民生同經濟而要咁對待其他生物係地球上生存嘅權利呢?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]