「雨。感受」106

「乳燕」

「點解」

事由學生罷課、重奪公民廣場直至九二八港家動變,透過電視驚見發放催淚彈驅散示威者,但未將我嚇怕,更促使怒意盡情盡發。撫心自問,只係想爭回民主路。總覺得港人要齊心,因為:「昨天」已消磨耗盡漫長三十年光陰,「今天」仍面對不公允特首選舉,「明天」更全力爲我地嘅下一代不容許持續面對庸官苛刻制度,抗爭事在必行。莘莘學子們負起擔子挺身而出,我地更要站出來緊密相連,「並肩作戰,團結一致」。

「感受」

動筆談箇中感受,百般滋味在心頭。由雙十節踏足金鐘,疑慮一掃而空。「感受」抗爭震撼同路中人,「感動」港人互助互勉精神,「感謝」無私奉獻學聯學民。戰友們經歷催淚彈、糊椒噴霧、警棍、黑社會、暴警打壓、侵擾,本着無畏無懼,一於抵抗到底。目睹流血收塲更深感悲哀,所以參與學界及爸媽抗暴遊行。另外一段又一段令人難忘事件:21/11 生事者拆台(留守至凌晨 2:45),30/11 雙學策動升級行動(通宵留守),10/12 面臨清塲(通宵留守)。仲有學聯與官員對話、上京失敗、學民絶食等,更向誓爭真普選戰友們打氣,加油、堅守。

「期望」

個人唔太貪,期望好簡單:承諾要兌現,五十年不變,一國兩制,實行箇中真蒂。秉承獅子山精神,靠拼勁自力求生。東方之珠,美譽永恒,管治政制,公義安穩。重申港人意願,勿兜兜轉轉,拒絶遊花園,落實真普選。祈盼修補警民關係,決策改善民生經濟,聆聽民意,釋出善意。少爭拗,莫嘈吵,愛港家,守護她。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]