自由行


個人分享
Tagged With: , , , , , , , , ,

「旅遊」

每個香港人都會講「自由行」嚟個問題。嚟個計劃本身係希望喺 2003年沙士之後透過放寬中國旅客嚟香港而帶動香港經濟同旅遊業。透過申請自由行嚟香港,內地旅客最多可以逗留一個星期。到 2009年,更放寬合資格嘅深圳居民可以申請一簽多行嘅簽證。但係亦都因為咁,過去嚟十二年,香港旅遊業亦出現咗好多問題。

「影響」

自由行被喻為一把「雙刃劍」,一方面好似幫到香港經濟同創造就業。但係隨住自由行人數逐年增加,香港衍生咗各種問題,包括「雙非」、水貨客、物價、罪案及衝突等,對香港嘅負面影響逐漸浮現。因為水貨客嘅出現令日用品供應短缺、公共服務及交通系統不堪重負、商鋪租金攀升引致物價上漲、零售業為咗迎合內地客源愈趨單一化,亦讓社會開始反思香港旅遊業嘅承受和接待能力。

「接受」

就算我係中國住咗咁多年,好明顯嚟香港嘅內地旅客嘅質素大多係偏差。入鄉要隨族,但係個個當咗自己係內地。好啦個煲到咗嚟刻爆啦,個政府仲話要再開放多啲自由行嘅城市。點解越嚟越少外國遊客?咪就係嚟班自由行囉!俾你都唔想對住佢哋啦,講嘢大大聲聲,暴發戶消費無式,目中無人,無禮貌,應有盡有。。。仲要我哋接受?我真係接受唔到囉!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]