港流感


個人分享
Tagged With: , , , , , , , , ,

「流感」

今年流感真係好勁,有啲朋友都中咗招。之今,香港已經有一百一十一人死因為流感而死亡。嚟個數字就已經等於十二年前沙士嘅一半死亡人數!最重要嘅係嚟個數字只係過去三十三日嘅死亡人數,相信嚟緊仲會增加。專家話甲型H3N2流感病毒變種後,病毒進入人體後繁殖得很快,可嚴重損壞心臟及腦部等器官。

「政府」

當有公立醫院資深醫生話不少流感病人同時感染細菌,而死亡率達到百分之二十五,即係比普通感染流感高十倍嘅時候,點解個政府仲唔做嘢呢?係唔係仲覺得嚟隻流咁唔嚴重?點都好啦,如果唔係媒體嘅報導,真係唔知隻流感病毒咁勁。因為一般人都唔會點理感冒,覺得係平常事。所以唔該政府快啲做嘢。

「對抗」

當現時未有針對嚟隻流感疫苗嘅時候,大家要注意個人衛生。去人多濟逼嘅地方要帶定口罩,同時要勤洗手。因為就算帶咗口罩都有機會係其他途徑被感染。最最最緊要嘅就當然係有病就快啲去睇醫生啦,唔好睇少感冒呀!大家可以試下,我自己覺得幾有用,就係每日切一個檸檬沖水飲,有效提高免疫力同會快啲好返。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]