路迪涼

「出書」

一見到本書出咗就打算去買,當然要支持下前輩嘅作品!最重要嘅係一本講社交媒體嘅中文書,市面上真係無乜中文嘅書,但係英文嘅就有大把!行內做社交媒體嘅高人無乜邊幾個,當然嚟個前輩唔止咁簡單啦。五,六年前識佢嘅時候淨係知佢做廣告公司,之後先知佢咁勁!佩服佩服!所以今日特登走去誠品買返去睇下同等攞簽名!哈哈!

「回報」

睇完一大堆「推薦序」之後,一入正題就講「回報」。一睇到嚟三隻英文字母我一般嘅反應係雙眼發光!不過-此 ROI(Return On Influence)不同彼 ROI(Return On Investment)!哈哈,當然啦,本書都唔係講「數據」。其實咩嘢係「社交影響力」?咩嘢係「影響力回報」?講真係社交媒體真係冇人知,但係有冇影響到你每日嘅生活?一定可以!一個 BB展就領教到唔少!

「後話」

雖然未睇晒,不過寫得真係唔錯!簡單易明,仲要分享過去嘅經驗同實例。因為分享係好寶貴,唔係個個人會咁公開分享。雖然我都跟得好貼,好多例子都見過。但係有前輩用第一身同你分享,角度唔同,諗法亦唔同。所以都有得著。等我俾心機睇晒佢(好多時都無睇晒,或者快睇就算)。咁啱聽日有堂,我一定同我啲學生分享下先得!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]