嬰兒展

「準備」

講真第一次去嬰兒展,所以其實唔知發生咩嘢事。淨係知道要早啲去買嘢,因為一早做咗啲研究,有啲嘢係嬰兒展會平啲,同時一直想試吓啲嬰兒車。所以第一日自己一早走咗去排隊。去到已經見到好多人,同佢哋已經準備咗好多嘢。所以就見步行步,周圍睇吓其他人做啲乜。新手係咁㗎啦,邊睇邊學!哈哈!

「攻略」

一入去見到好多媽媽已經排隊拎嘢,所以我避開咗好多人排嗰啲。一去就去睇奶樽,因為近門口,同時因為知道有啲限量貨係嬰兒展先有。其實上網睇過,啲新手套裝係網上面都好搶手,經常斷貨。最終都買咗,仲要好抵!本來諗住去幾個鐘,點知行來行去都玩咗成日。今次經驗好好。因為下次再去就知要拎啲嘜嘢同排啲嘜嘢。

「學嘢」

好啦,今次學咗啲乜?第一要買個本禮券書仔,因為好多著數,無禮券係換唔到嘢。仲有,你要填一大堆嘢,所以去之前要印好晒啲資料,如果唔係就填到手軟。最最最搶手嘅係嬰兒尿片,所以要快,唔係就好快派晒。有啲無嘢派嘅,同無乜著數嘅可以遲啲先行。仲有嘅係唔好俾人講兩講就買,因為嬰兒展都幾密,睇定啲,唔好急!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]