摺咗佢

「死未」

喂喂喂,亞視呀!你玩完未呀?死唔斷氣!點解咁耐都未摺得?無出糧幾個月,仲要無錢返緊嚟,牌費你又唔俾。好啦諗住開始審你,但係又一拖再拖。咁點呢?個政府擺到明幫亞視幫到出晒面,唔通真係會有白武士會買?唔好煩啦,快啲摺咗佢俾返個牌「香港電視」啦!

「政府」

搞咗咁耐,都唔知個政府做咗啲乜。日日話關注,話跟進,其實做咗啲乜?基本上香港都影該無乜人睇亞視㗎啦,一代獨大未又係個政府搞成。講真唔知其他免費電視幾時有得睇,不過期望唔高。依家亞視嚴重違規,竟然唔去封舖拉人。就算係,下次續牌嘅時候,唔通仲批俾佢?咁嘅運作同製作仲係現今社會生存到?

「前路」

無論點,亞視成日製造笑彈!當然唔係講佢嘅節目啦!當日「王維基」走咗,對佢嚟講或者係一件好事,做唔做都罷。雖然做完「來生不做香港人」之後嘅收視麻麻哋不過點都好過亞視呀?真心希望亞視快啲摺咗佢,攞返個免費電視牌照出嚟。就算唔俾「香港電視」,至少唔好死唔斷氣,篤眼篤鼻啦!真係係度獻世!