要專注

「專注」

細個做嘢嘅時候,好多時都想學多啲,試多啲,樣樣都想做,無乜焦點。好多時係因為環境而去做,唔會話齋做一樣嘢。當開始做 Beehive Strategy 嘅時候,目標好清晰,就係要做好一樣嘢。嗰樣就係數據分析。其實就係知道自己經常唔專注做一樣嘢所以要同所有人講我淨係做數據分析。雖然個範圍都幾大,但係都起碼唔會俾其它無關嘅嘢而影響到。

「分心」

當然好多公司都會做唔同類型嘅嘢,自問真係無佢哋咁叻,搞得掂一樣已經好開心。因為次次一諗住搞其它嘢,好似無一樣做得好。成日諗嚟樣諗嗰樣,無辦法將核心個樣做好佢。所以今年再還原基本步,將無做好嘅做好佢。希望唔好俾太多嘢影響而偏離公司嘅核心業務。繼續專注同堅持自己對數據嘅熱誠同信念。因為亞太區嘅發展空間仲有好大。係需要等吓!

「後果」

其實經常見到好多公司慢慢轉型,所以有時都唔知嗰啲間公司嘅核心業務做啲乜。變相好似乜都做啲,無咗開始嘅核心價值。一條龍嘅服務需然係好,不過要兼顧嘅嘢太多,就係平時諗得太多同想做好多好多嘢,搞到過去五年上上落落。雖然唔可以話浪費咗啲時間,但係因為無專注做一樣嘢,太大諗頭,到頭來得個吉。所以要不斷提醒自己唔專注嘅後果。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]