再起步

「五年」

唔經唔覺,Beehive Strategy 已經邁向第五年。嚟五年對我嚟講真係唔容易,就好似我經常講,「創業」係坐過山車。試過「創業」,「打工」,再「創業」。真係越過高山低谷。五年話長唔長,話短唔短,當然有時見到其他「創業」嘅朋友都做得俾我好嘅時候,個種感覺唔會太好受。

「回顧」

係嚟五年入面,不時都會諗,不如賣咗佢(但係唔知賣得啲乜)。又或者諗不如算啦,咁辛苦做乜,搵份工又唔係搵唔到錢,分分鐘仲搵得多。日日做做做,諗諗諗都幾消磨意志。當然家庭嘅因素會係最大考慮。係人都想過啲安穩嘅生活㗎啦,仲乜嘢搵自己嚟搞呢?當然鬥志旺盛嘅時候就係有新客戶,最痛苦係追數,現金流出現問題。

「還原」

做咗近五年,團隊無乜增長,所以覺得之前好多嘢無做得好係時候「化整為零」從新做起。話就話從頭開始,但係都係吸收之前嘅錯漏,慢慢調整。有啲嘢就真係鏟走晒從新做起。希望還原基本步,令公司可以係現時一啲基礎上再起步。唔知結果係點,淨係知道依家唔執返佢,有一日如果團隊大咗嘅時候先還原就會好大鑊。希望可以係 2015年帶返啲新氣象俾 Beehive Strategy。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]