放得低

「當兵」

唔知有無人睇過「美國狙擊手」-American Sniper?個故事係改編自「克里斯·凱爾」- Chris Kyle 嘅自傳《美國狙擊手:美國軍事史上最致命狙擊手的自傳》。係德克薩斯州出世同長大嘅「克里斯·凱爾」希望自己長大後能夠成為牛仔,細細個嘅時候,佢老豆就教他點樣狩獵同射擊步槍,亦表示要佢同細佬成為保護「綿羊」免於「狼」傷害的「牧羊犬」。

「戰爭」

好多人都無法去感受軍人內心嘅矛盾,因為我哋好幸福,住嘅地方無戰爭。係故事入面講到好多真實士兵嘅真實情況,因為好多人都會有戰爭後遺症。就好似「克里斯·凱爾」因為去追捕一個恐怖分子,就算返到美國都一直坐唔安食唔落,同時佢仲要背負「美國軍事史上最致命狙擊手」嘅名銜,所以一次又一次決定離開屋企嘅老婆仔女再返去戰場。

「放低」

嚟個故事其實背後仲有一個意思。嚟個係我嘅感受,就係做人唔好太過執著,同時唔好俾不必要嘅名銜,稱號變成負擔。人生有越多唔同經歷,有時唔學識放低,人生會變得好辛苦。唔係個個人可以將成就,榮譽可以拎得起放得低同睇得好輕。當你越過高山低谷,可以面對人生嘅過山車嘅旅程,咁或者你可以放低無形嘅包袱令自己得以釋放!