同路人

「創業」

真係好開心見到越嚟越多身邊嘅朋友創業!因為要長年累月嘅生活就好似坐過山車一樣,上上落落,今日唔知聴日事。所以好多一直打開工嘅朋友嚟講,嚟種咁唔穩定嘅生活未必頂得順。更可況,好多有家庭嘅朋友要係香港去創業真係難上加難,因為佢哋嘅包袱同負擔一啲都唔輕。所以有朋友創業一定要支持啦!

「目標」

好多時我哋嚟代去創業都離唔開幾種原因。當然好多人會話係因為錢,但係我想講,其實好多出嚟創業嘅朋友嘅人工都唔少。所以唔一定係為錢嘅。有好多朋友係想做返自己嘅嘢,唔想被人縛手縛腳,做自己開心嘅嘢。所以創業係一條出路。再有啲係希望改變社會,因為香港係我哋嘅屋企,希望幫下一代做返啲嘢!

「展望」

首先係度希望大家生意興隆,由其係啱啱出嚟開業嘅朋友!大家一齊加油為我哋各自嘅目標努力。坐過山車嘅過程唔係個個頂得順!得閒大家可以出嚟吹吹水,傾吓偈。大家都係同路人,所以係應該互相扶持,互相學習同分享經驗!努力努力!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]