馬拉松

「心態」

首先講明,我無意冒犯任何人。我亦非常專重每一位參加馬拉松嘅朋友。但係好多人係湊熱鬧同玩嘅心態去跑馬拉松,所以有啲十年唔跑一次嘅人就好容易出事。當然跑步係好事,不過突然谷到咁勁,身體未必負荷到,所以真係要量力而為。要做好足夠嘅准備同休息。去跑馬拉松咋,唔係叫你搵命博呀。

「求婚」

點解年年都有人咁鐘意係馬拉松嘅終點同另一半求婚嘅呢?唔好俾我講中,星期日「求婚」嚟幕又會再一次重演!其實我唔係反對啲人咁做,只不過係唔明啲男仔/人點解揀係自己跑完最少十公里,累到差唔多趴係度,仲要大汗疊細汗咁。唔通真係好浪漫?浪唔浪漫我就真係唔知,但係一定濕晒同一身汗臭味囉。

「加油」

雖然已前係澳洲都有跑,不過無跑咁耐(十幾年)又懶唔做運動,咁嘅體能就真係唔好玩啦。不過都知好多身邊嘅朋友會去參加,所以都同你哋打打氣!加油加油!希望你哋今年成績會好過上年!記得聽晚早啲瞓,同做足准備工夫!由其係參加全馬嘅朋友!