總司令

「咩嚟」

哈?咩嘢嚟架?「香港青少年軍總會」?唔睇清楚以為係「香港童軍總會」。咁其實係咩嘢嚟㗎?九唔搭八!跟據「維基百科」講,嚟個乜乜總會 2015年1月15日,係公司註冊處註冊。1月18日,香港青少年軍總會係昂船洲海軍基地舉行成立儀式。宗旨係「認識作為中國公民的責任與義務」、「促進香港青少年和諧」以及「開辦一家或多家非牟利學校」。

「有病」

唔好講笑,睇完個架構真係覺得嚟個乜乜青少年有病。榮譽贊助人分別係香港行政長官梁振英、中聯辦主任張曉明同解放軍駐港部隊司令員譚本宏??吓咁激?擺明洗腦嘢!再睇多啲啲,真係笑咗出嚟!咩嘢係總司令?嚟個稱呼都好好笑。最緊要就緊係總司令竟然係特首夫人梁唐青儀。你話仲唔係有病?

「鬼祟」

好啦,睇完大慨知發生緊啲乜事。但係最好嘢嘅係佢鬼鬼祟祟食番薯,首先個乜乜典禮只係邀請少數傳媒採訪,第二點先可以入「青年軍」,第三點係佢哋係唔係搵啲年青人笨?無端端變咗「會員」?無論係點,嚟個乜乜青年軍好明顯得一個目的,就係洗腦囉!我真係想知道佢點運作同有乜嘢人真係會入嚟個青年軍囉。。。

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]