基本功

「分析」

數學係很重要嘅一環,但係好多生活上同商業上嘅知識係不可缺少。要知道點樣將數字串起嚟先可以翻譯成一個故事。要精通嚟門藝術好多時都要從自身出發,原因非常簡單,因為你生活嘅每分每刻都係度產生緊唔同數據。如果你想鍛鍊出一身「絕世武功」首先要將基本功打好。唔好識少少就以為「身懷絕技」誤導其他人!

「意義」

每一個數字背後都因為某啲原因而產生,簡單一個 Page View 嘅產生放法就已經有兩種。一:瀏覽器打開網頁嘅一刻。二:瀏覽器打開網頁並完全下載。再舉多一個很多人都經常誤解嘅例子 Time on Page / Site。因為技術問題,嚟個計算方法非常誤導。原因係當用戶離開網站嘅時候,瀏覽器係無辦法將用戶離開嘅時間傳送出去。所以用戶瀏覽網站最後一頁嘅時間係沒法記錄到。

「武功」

記住唔好太過依賴工具嘅結果同盲目地去做分析。當你有一定嘅分析基礎就自然可以得心應手。「絕世武功」無可能一天鍊成,要慢慢積累返嚟才可以打遍天下。今時今日科技不斷發展,日新月異,收集數據變得五花八門。今日有可能無法收集嘅數據,聽日就有可能解決。所以記得要不斷更新自己,緊貼科技嘅發展先可以更加準確分析。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]