五歲人

「五歲」

想係度問下各位家長,你屋企有冇五歲大嘅小朋友呢?佢會唔會問你佢大個住邊?如果你屋企嘅細路會問你嚟個問題嘅話,唔該你話俾我知!我真係未遇過!一個五歲嘅細路仔通常會問啲乜嘢問題?我已前好似會問,可唔可以玩呀,可唔可以食糖呀,可唔可以唔做功課。。。等等。唔通依家啲細路早熟到咁?做人做咗五年就問大個住邊?不如問吓特首大個邊個係你老婆啦!

「問題」

其實嗰個所謂嘅特首點嘅唔去問吓同聽吓嗰班十幾歲嘅學生想要乜呢?咁如果嗰個「五歲」小朋友問佢:「行政長官,我長大後有冇真普選?香港還有沒有民主自由?」咁又會點答?佢竟然係一個咁「嚴肅」嘅環境,一個咁「重要」嘅政策,用一個五歲細路問佢嘅問題就係個施政報告講要做好土地用途抉擇,開展長遠土地規劃同開發工作。咁我哋個「真普選」去咗邊?

「荒謬」

講真用一個五歲嘅問題係嚟講房屋政策唔係有啲荒謬呢?咁都講得出嚟,真係唔得你死。果然信你一成,真係雙目失明!所以抵俾人今日問候你!佢啲語言偽術已經去到神級,無人能及!除咗「五歲小朋友」之外,當然佢仲有更荒謬嘅嘢啦!我唔明點解「香港問題香港解決」嚟句嘢係違憲囉!邊忽違憲呢?你解到俾我聽真係乜都得。咁遲啲係唔係講乜都違憲?真荒謬!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]