港施政

「房屋」

由選舉到上任到嚟一刻為止,講嚟講去話解決房屋問題。點知越攪越大鑊,我哋嚟班唔上唔落嘅中產繼續買唔起啲樓,原因未係啲所謂辣招囉!好啦私樓買唔到咁居屋又點?當然又係無我哋份啦,個入息上限一早過咗啦,仲講乜嘢解決房屋問題。成日話檢討土地用途,檢嚟檢去都唔知檢咗啲乜。跟住又話法展嚟度個度,等得嚟都蚊瞓。況且可唔可以留返的自然環境俾我哋嚟班香港人,好唔好?

「國教」

最最最慌謬嘅應該係嚟樣。教育局將會更新中國歷史及世界歷史的課程內容,豐富學習經歷同加強師資培訓。提升學生對中國歷史與文化嘅興趣同認識,及擴闊國際視野;局方會要求中小學學生最少各一次到內地交流。咁即係强迫你從細就開始洗腦,因為啲中學生管唔掂,所以依家就開始攪啲小學生。不如連懷孕嘅媽媽都一定要返去交流交流。胎教呀嘛!咁先附合「國情」呀嘛!

「垃圾」

講到尾嚟份「施政報告」又係一份垃圾,話乜嘢「重法治,掌機遇,作抉擇。推進民主,發展經濟,改善民生。」算吧啦,無一樣嘢佢做到。佢其實就好似啲睇相佬咁,呃你十年八年,樣樣做啲唔做啲。就算嚟刻話對你好,其實背後有可能已經出賣咗你。一個唔識包容嘅縮頭烏龜,你真係覺得佢會真心為你好?開口埋口都係歪理,繼續玩佢嘅語言藝術欺騙廣大巿民,所以唔該你快啲落台,等香港可以得到應有嘅安寧!