「雨。感受」078

「阿豪」

「點解」

雨傘前我算係一個政治冷感的人,並非唔理,而係我知我們是中國香港,永遠有個中國在後,無左先可真正二制,但事實沒可能。我沒經歷過926、928催淚彈,係928清晨佔中啟動,我在前往迪士尼跑10km的旅遊巴上,下午訓死朋友群發來『原來遊行警察會話開槍』,我還回了『有衝擊的非法集會嘛』意思是總會有一個人過激去衝擊。之後幾天一直看相方新聞、片,發現媒體不實及被大家在佔領區自發行為所感動,開始出來。

「感受」

了解到咩係框架、親身經歷了旺角黑夜,開始四處留守最後金鐘置家。一直眼看政府、新聞造假,市民分化擴大,感覺不能只留守,巧合地遇上有學生想為香港出一份力,就組成了移印團隊幫人印衫,盡量吸引更多人、準備落區,最後我們多了個名叫冬青油!與各位一起經歷學聯對話、立法會、旺角清場、鳩嗚團、金鐘、銅鑼灣清場,直到今日政府都未肯面對市民。

「期望」

政府拿出誠意解決,唔好再用拖延戰術、利用法庭、警察,早日回應、取消831、廢除功能組別,交出真普選路線圖,做返一個為市民效力的政府,而不是中央的傀儡。也期望各位唔好放棄,繼續努力直至遍到開花。