杜如風

「熱話」

因為一套 TVB嘅全新旅遊節目《流行首爾》令杜如風嚟個主持特然爆紅,仲變成全港熱話。當然,好多人唔知佢係邊個,因為對個班淨係睇 TVB嘅觀眾嚟講,佢哋都係第一次係 TVB嘅節目登場。所以無人識得佢!其實杜如風其父親係嘉禾電影公司宣傳部經理杜惠東,仲有傳聞話佢係 2007年同本地歌手黃又南拍拖,但係戀情只係維持一年便告終。

「鬧爆」

我其實係杜如風主持《流行東京》嘅時候已經有睇開佢。當時真係無咁反感,仲覺得幾好睇。之後到佢主持嘅《風行全世界》亦都有捧場。或者佢當時後生同製作方法唔同,所以佢大癲大肺都無問題。點知一返到嚟 TVB,除咗即刻被觀眾挑剔個樣之外,仲俾人話「港女」,「物質主義」,「曬命」,等等。講真佢真係變咗好多同殘咗好多。或者人大咗,認真覺得比以前做《流行東京》個陣時差咗好多,搞到我都鬧埋一份。

「評論」

當然好多人話希望TVB腰斬個節目,仲話希望播返「叮噹」。講真,今日嘅「杜如風」唔係惜日嘅「杜如風」。人大咗,雖然話做返自己,但係年齡上真係唔可以再行嚟條路線。我可以講嘅係今次杜如風無咗以前《流行東京》同《風行全世界》個種風格,好明顯係大台嘅問題。另外,觀眾群組唔同晒,接受能力唔同,未必可以一如以往用以前嘅方法去主持。點都好今輯《流行首爾》嘅杜如風我真係頂唔順,嚟鑊 TVB都害得你慘啦。。。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]