第五年

「五年」

唔經唔覺,公司已經做咗四年幾。時間過得好快。做到嚟一刻,開心嘅係慢慢見到香港多咗企業講數據,而市場亦慢慢多咗嚟類嘅工作。每年都希望做得更好,但係一直無乜大改變。起起跌跌已經係好平常事。就到五年啦,跟住點好?我諗真係要停一停諗一諗,再從整策略再戰江湖。

「人才」

雖然個市場好似好咗,但係人才係一個問題。係香港不斷搵人,但係搵嚟搵去都無乜啱嘅人選。自己唔係大公司,仲要我嘅管理同運作模式同好多公司唔同。要配合到公司嘅運作都係有一啲難度。其實我嘅要求好間單,肯去學,主動,唔怕洩底,有責任心就得。其他就可以培訓出嚟。

「發展」

其實好多人問我點解唔搵拍檔又或者賣盤唔,但係我唔知係硬頸定係點。我唔係好鐘意俾嘢綁住嘅人,因數據分析嚟行變得好快。我唔想為追數而做。好多客我都會同佢哋講,我哋都係想用數據去幫到佢哋,一齊成長,唔係嚟賣橋。我真係希望有自己一手建立嘅品牌多個為做而做嘅生意。

(Visited 24 times, 1 visits today)