打吓機

「打機」

好多人都唔知點解咁多男仔鐘意打機?你鐘意打機嗎?其實我都鐘意。不過我唔讚成沉迷打機。人大咗當然時間少咗,所以鐘意打啲可以單打嘅遊戲。貪佢快,貪佢唔使用好多時間。細個得電腦所以大部份時間打 PC Game,到大咗有錢買 PS3係因為啲畫面夠靚。到咗手機年代,基本上已經代替咗係屋企打機嘅習慣。

「研究」

唔知大家有冇睇過一項由「牛津大學」進行過嘅研究。報告指出,係十歲至十五歲兒童同青少年,如果每日打機一小時,佢哋嘅性格發展比較健全,適應社會同社交能力亦都會好啲。雖然有人質疑個研究,但係對我嚟講,打機其實可以令我暫時放低工作煩惱,同時唔同遊戲可以訓練唔同能力,例如,反應,思維,推理,等等。。。

「沉迷」

認真講,我真係唔明點解可以坐係度打機打幾日。唔累嘅咩?每年都有好多關於青少年打機嘅新聞同問題。每樣嘢其實沉迷都唔係好事,凡事都係適可宜止。打機都係一樣,但係當有折制同有限度嘅時候就唔係一件壞事。所以由細到大都要訓練小朋友唔好沉迷,而太早接觸手機未必係一件好事。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]