叮噹呀

「懷念」

我相信由大人都細路都一定識得嚟套卡通片。我個年代叫做『叮噹』,唔記得幾時因為讀音嘅問題就變咗做『多啦A夢』。點都好,粵語配音個把聲你一定記得!好多謝「林保全」先生咁多年嘅聲音演繹,同帶咗咁多童年回憶俾香港人。當睇到同聽到你係3D電影版嘅一句「我唔可以再留喺度,真係要走喇!」嘅時候,真係眼淚都就快飆出嚟。

「歌詞」

『人人期望可達到,我的快樂比天高,人人如意開心歡笑跳進美夢尋獲美好;爬進奇妙口袋裡,你的希望必得到,離奇神化不可思議心中一想就得到。想小鳥伴你飛舞,雲在看琴譜。(你睇!叮噹黎啦!)叮噹啊,誰都喜歡你,小貓也自豪。叮噹啊,誰都喜歡你,小貓也自豪。』一首耳熟能詳嘅『叮噹』主題曲無論歌詞改成點,個音樂一起你一定識得唱。佢亦勾起大家諗起叮噹嘅法寶!大家一定記得竹青蜓,隨意門,空氣炮,時光機。。。等等。。。

「回憶」

張敬軒嘅一首《青春常駐》入面嘅歌詞『叮噹可否不要老,伴我長高』變成大家回憶「林保全」先生嘅一句歌詞。無論「叮噹」個結局係點,無咗「林保全」先生嘅聲音演繹,「叮噹」仲係唔係「叮噹」?心情得然邊得複雜,因為好似失去咗一個陪你長大嘅人。希望大家可以繼續『圓圈加一點,圓圈加一點,下面畫枝波板糖,再畫個呼拉圈,再畫個呼拉圈,六字畫好將它反轉,加個飛碟兒,左飛一次,右飛一次,下降好玩啲,著地變作漢堡飽,真真合意,看看我那半個 Hot-Cake,乖乖碟上睡,求求你將西瓜一片,當作我的嘴,再撇上貓鬚睇真,畫到似邊個,叮噹!』

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]