又一年

「事業」

今年忙咗一年,又係時候做總結。雖然好忙,但係好滿足!數據分析開始係香港慢慢有起色。最開心嘅係客戶都好支持我哋亦好開心可以同大家合作。希望明年可以再上一層樓!再繼續推廣數據分析嚟個新嘅行業同培訓更多嘅年青一代加入我哋令香港有更多專才!同時當然希望收入都可以有增長!

「家庭」

今年家事特別多,一浪接一浪,好似冇停過!年頭同身邊嗰個行埋下半世,之後舉家去澳洲旅行同返屋企。年中忙完就同另一半去渡假,興祝生日同周年紀念。但係年尾就有位親人走咗,好唔開心。好彩年尾前都有個好消息,非常開心。所以2014有開心同唔開心。不過最希望係大家可以健健康康,開開心心生活!

「朋友」

今年要多謝所有幫過我嘅朋友。冇你地好多嘢都成唔到事!感激不盡!亦都好慶幸識到一班新朋友。由其係一班「雨傘」嘅朋友!冇你地「雨。感受」一定收集唔到咁多文章!仲有嘅係一齊努力工作嘅朋友,在公在私都互相扶持!最後就係一班車友,真係好開心!除咗公作之外識到一班唔同嘅朋友!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]