忙忘忙

「唞唞」

做咗咁多年嘢,真係未試過年尾可以忙成咁。基本上除咗紅日個幾日之外,日日都仲要係咁開會。唔知係市況好定係過兩日嘅 2015市況差?點都好,辛苦咗一年,真係想唞吓。等自己可以好好坐低諗下嘢。日日係咁衝真係唔係辦法。

「忘記」

今年忙咗一年,但係好似忘記咗好多目標。因為淨係一路做呀做,做呀做,都唔得閒理其他嘢。公司同屋企兩頭撲,認真無時間去處理日積月累嘅問題。當然包括長期同我講好痛嘅搏頭!出年認真要處理下,唔係嘅話真係無精神去繼續併搏。

「好壞」

需然成日講,忙係好事,但係當你忙完嘅時候,唔知忙咗啲乜同做咗啲乜都係幾大鑊嘅事。唔係話做咗啲無聊嘢,但係你總係覺得好似唔實在。一味凈係知道有嘢做,但係就好似無回報。不過,講真,有時有啲嘢唔一定一分耕耘,一分收穫。而係十分耕耘,一分收穫

(Visited 41 times, 1 visits today)