西延線

「港鐵」

等咗咁多年,港鐵西港島綫終於起完。但係西營盤站仲未用得!基本上條條起緊嘅鐵路唔係超支就係延遲。講到好似好好,但係其實係唔係真係幫到整體香港就要啲時間去睇。西港島線係 2009年8月10日動工,直至 2014年12月28日首先開通堅尼地城站同香港大學站。正正用咗五年有多!年年加價但係一開通又係有信號問題。

「買飛」

其實好好笑,因為你可以用八達通買車飛。講真,有幾多人係會咁做?年小朋友係今時今日嘅年代都有八達通嘅時候,買飛嘅人越嚟越少。就算遊客都好多會買八達通。就好似有個人講,「用八達通買車飛?好似太陽能電筒咁!」聽到佢講嚟句真係忍唔住笑咗出嚟。唔知佢哋係唔係諗多咗。

「逼爆」

話就話啲乘客反方向搭車,但係好明顯唔係囉!金鐘去尖沙咀一定仲塞過以前。希望唔會多人到逼爆個月台而引致意外啦。遲啲沙中線開埋,真係唔得你死!一定爆到無人有。平時已經多人,盡可能都唔想經金鐘,除咗香港人之外,再加上啲自由行,真係唔得佢死。唔知依家係金鐘轉車要等多幾多班呢?唉。。。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]